必瘦站 Perfect Medical 超級黑店

by

必瘦站 Perfect Medical 超級黑店

$98試做保濕 騙買$7.2萬療程

https://hk.news.yahoo.com/98%E8% … 8%8B-225023665.html

今日報紙有賣, 我有類似經歷.

之前見到必瘦站(Perfect Medical)廣告 $1888去眼袋, 10次療程, 無效包退
於是上去試下, 點知上去到, 佢話我面部皮膚有D鬆, 就咁1888一定唔得, 托唔起對眼.
然後佢獅子開大口, 整左個10萬蚊既療程比我, 話全臉提升, 整好晒包埋對眼.

我睬佢都傻, 立即起身啦, 之後佢立即改口, 話優惠價6萬蚊比我, 見同我有緣.
我繼續行, 佢再減價5萬.
最後佢減到3萬, 整好晒對眼加面部皮膚收緊.

我於是幫襯.
除左$1888 10次既去眼袋, 另外升級左部eye magic, 話會有效好多, 不開刀眼袋bye bye.
最後我做左大半年, 所有療程都做得8,8,9,9. 效果係零. 一d效都冇, 眼袋依舊.

同佢地理論, 佢地聲稱有改善, 叫我再買療程. 但我照左鏡好多次, 冇一個朋友話我有改善到!

無效包退是假的, 只憧騙你不斷買療程, 升級服務. 買又買了, 升又升了, 結果還是一D效都冇. 她們只會不斷浮誇地話你好左好多

約左3點正, 好多時3點半先有得做, 試過等兩個鐘, 客人D時間唔寶貴?

香港十間美容9間呃人, 做到咁大間, 聲稱上市公司, 原來D錢係咁樣賺
我奉勸大家share出去, 比人知呢間黑店

 

必瘦站 Perfect Medical 超級黑店

我早排收到優惠,話可免費享用6項選3項療程.前幾日上去, 約7點等到7點半先有得做. 入房啦,個美容師話免費升級做一個唔知乜鬼療程, 用左唔過5分鐘幫你清潔塊面,之後話漏左野出左去超過15分鐘,之後推左部機入黎幫你做左唔過10分鐘既深層清潔,搽左d舒緩液又走左出去超過15分鐘, 塊面乾哂都無人理, 之後再入黎幫你敷mask,敷完又再走左出去,今次勁呀,出左去成30分鐘….個半鐘內個美容師掂我塊面唔過15分鐘呀, 大部分時間係張床呆等,之後除左塊mask幫我搽左d cream就話做完~~~我話乜唔係有3項療程咩?佢話升級左就當用哂3項,乜出面同事無同我講咩?同埋做body係要book機…….你地當d客傻架? 你地個SMS寫明會做邊幾樣,仲話安排好哂治療師,房間,儀器……咁點解要book機呀??? 完全係流水式作業, 又唔夠儀器安排比客做, 瞓起張床度淨係聽到D人行黎行去同推儀器聲, 嘈到爆……之後帶左我入房話要簽名,等左10分鐘都無人入黎, 真係火都黎埋…前後搞左2個半鐘, 完全浪費我既時間, 唔係我發火都唔走得……我做咁多間facial都未試過有咁既情況…….

知唔知乜野係商品說明條例呀? 《商品說明條例》(第362章) 涵蓋的範疇於二零一三年七月十九日全面執行,以禁止商戶對消費者作出某些不良營商手法,包括就服務作出虛假商品說明、誤導性遺漏、具威嚇性的營業行為、餌誘式廣告宣傳、先誘後轉銷售行為,以及不當地接受付款……

真係要諗清楚先好上去~~~

 

必瘦站 Perfect Medical 超級黑店

我係網主, 我都幫襯過你地間垃圾
而上面講既野好多都中
基本上你地個名都幾臭, 臭到要改名叫做New Beauty
根據法律, 講事實係合法
你話你查明此事? 點樣查明?
我地網站有法律團隊, 可以同你地間黑店打官司, 打到上埋報紙就最好喇

 

必瘦站 Perfect Medical 超級黑店

我都係受害者, join 左格仔plan,  佢地每次扣格仔都唔同,脱毛脱1part 又話要扣十格, 成100 格, bu6既時間1 分鐘都冇, 好想同消委會投訴, 萬幾蚊 都脱唔晒d 毛, d 人又好衰格, 每個人講既野都唔同版本, 每次上親去都等成粒鐘, 諗住咁大間公司唔會差得去邊啦, 唉, 仲join 左個永久脱毛, 但脱左6 次之後再book,  佢地就話永久脱毛要2個月book 1次, 每次要揾經理簽名, 好嬲呀

 

必瘦站 Perfect Medical 超級黑店

今日去荃灣南豐中心果間試左$99蚊既plan。入去都系分析皮膚sell其他plan,我堅持話做做個$99蚊既先,其他再考慮。入到房一開始個美容師都系sell我考慮做頭先推薦既plan,如果唔做左果個先咁做咩都系冇用。我堅持唔要佢地推介既plan之後,個美容師問左句:「你會唔會考慮join我地其他plan嘎?」我答左暫時唔會之後,佢幫我清潔左下皮膚,出去拎部有幫皮膚吸走污糟野機入幫來兩邊面系咁吸兩下,成個過程兩分鐘唔知有無

 

必瘦站 Perfect Medical 超級黑店

上個月,我收到佢地ge推銷電話,話有88蚊保濕facial試做仲話有24K金美容棒送,我覺得88蚊唔係貴,可以試下,就應承左。
跟住就上到朗豪坊52樓,就做個個88蚊facial,做完之後,就有個人帶我去個房仔,之後有個人就黎sell d plan,個個人好似叫coco。一開始佢sell個差唔多1萬蚊ge plan比我,話咩100格可以任做facial,跟住我話我仲係學生冇咁多錢,跟住佢就sell 1888蚊 ge plan,話係學生價,仲話下次上黎就冇呢個價架,個plan可以去眼袋/脫腋毛/脫唇毛,我就話我冇咁多錢係身(其實我冇諗過買佢d plan),佢就話可以分開比,又話一個學生點都有幾百蚊啦,我講左好多理由話唔買,佢就係咁迫我買咁,sell左成粒鐘,都唔放人走,個陣我好想走囉,但係間房度又好淆,之後佢話比住訂先啦,如果真係冇錢比,就拎落訂d錢做其他facial,最後好無奈join左1888蚊6次脫唇毛,比左300訂金。個枝24K金美容棒都唔記得左,冇拎到。
岩岩上網睇佢間店ge 評語,原來勁多苦主比佢地呃左,因為之前一直都唔得閒,都冇上過去脫毛,睇到你地ge評語,而家都唔敢再上去…呢間野真係好恐怖。雖然想退番d訂,我諗都冇可能,當買個教訓。
希望多d人睇到呢個post,唔好再比佢地呃!!!

 

必瘦站 Perfect Medical 超級黑店

唉, 再添一名受害者, 我係一個學生, 有次接到推銷電話就上左去試, 試完後就買左個學生plan$1880/10次, 對於學生黎講都唔少錢, 咁今次第二次去做, 事前完全冇睇過我皮膚就推左部機入黎, 問佢點解唔洗睇我皮膚就決定到做嘜, 佢就話因為上次做過所以估到我嘅皮膚狀況, ok fine, 開始做唔夠5分鐘就收機, 我心諗敷面膜都冇咁快, 轉個頭就聽到人地介紹緊佢比個大客識, 哦, 原來係咁, 鬼叫我係個窮鬼學生咩, 就係咁遲開始早收工嘅療程完左, 說好的一個鐘療程變左半個鐘, 縮水縮左一半, 而且效果同係屋企敷完面膜冇分別, 原來我塊面膜都幾貴, 做完就緊係想搵負責人問清楚, 點至又話行開左有咩問佢地都得, 咁我就問我買嘅療程究竟係嘜, 點解今次做嘅野唔同, 佢地話有得比我揀, 但我完全冇印象佢地有問過我想做嘜, 跟住我又問上次個美容顧問明明話可以逐次做逐比錢點解e家又話要比一半先開始得, 佢地嘅答覆就係比可以分期比, 但一定要比晒先可以開始做, 唔通我聽力有問題? 咁我又再問妳地個顧問話可以任一分店做, 點解我打去荃灣約, 佢地話唔得, 一定要我去番旺角, 佢地就話如果我想可以幫我轉過去, that’s fine, 但係前面真係各種傻眼

 

資料來源:hklovely

發表於 2015-6-16

No Comments Yet.

Comments

Your email address will not be published. Required fields are marked *