Dexxxx 服務問題

by

真係好嬲!嬲到要專登開post share出去,希望可以集合相同經歷嘅受害者一齊向dermes投訴,爭取消費者權益! 事源早幾年join咗dermes underarm,, 其後又join左其他部位,最後join嘅部位係全手,治療師口頭承諾可以nonprak 價錢買,peak時間去做!個治療師 Joyce cheung在職期間一直都無問題。 直到5月收到治療師msg講有事要突然離職,稍後有其他治療師繼續跟進我。 事隔到依家未有治療師聯絡我不但止,dermes公司仲收緊條款,nonpeak & peak時間分得好清,治療師唔可以偷偷出單! 我真金百銀比錢買服務,當然唔接受啦!口頭承諾都有法律效力! 之後我就向該公司CS部申訴,搞一輪後收到嘅feedback就係 因為沒有足夠證據證明治療師私下答應,所以會跟足單據處理,只係提供一次peak時間去,其後就要nonpeak。 真係嬲到震! 呢個明顯係該公司員工手法有問題啦,公司應該都要負上責任,咁樣消費者好無保障姐! join療程時又話一世永久保養,但單據就寫3次!真係好呃人!我相信有唔少sis 都有咁嘅情況! 好希望有同樣經歷嘅人可以一同站起來,同dermes理論,甚至向報章、傳媒尋求幫助???????? P.S 係whatsapp追究返治療師,我發覺佢block咗我囉,真係賤到呢!!   Same here. What’s your plan? 我之前都因為佢地sales 嘅銷售手法(另一樣野)投訴過,但係佢地俾我啲勁垃圾嘅答覆,我都好不滿。今次呢件事都有諗過搞大佢,但係都係覺得嘥氣,你諗住點做?   其實你之前係買非繁忙時間,但你做的是繁忙時間,一出單就知道,公司唔會唔知。點解之前得?依家唔得?我覺得係公司容許員工/教員工這樣銷售。我都係Dermes客戶,sale無可sale就當我係人球,一年換5個治療師,都唔想去,趕客。   係啊!我而家個Sales同我講跟本公司係知情,所以之前先大炒一班人。我同你一樣,買個6次嘅bikini hair removal 同N次CPS, 到而家大約1年時間換左3次人,真係咁恨俾人睇自己個妹妹咩⋯⋯我奉勸未join D記或者佢其他姊妹公司嘅人,真係要三思!我係極度後悔!   呢個Joyce係我舊同事黎 本人都係Dermes做過一年多 呢間公司只可以用不知所謂黎形容 一入職先洗你腦 再迫你跑數跑到抖唔到氣 冇得收工冇得補假 壓力係非一般既壓力 係入面做治療師等於打雜 入電腦落booking做treatment銷售等等 真係做到痴線   其實我覺得,5喺淨係你一個係咁,有啲公司口頭應承,其實口頭應承冇單據真係好難保障,一定要有單有據,可能買隻手,口頭應承送手指,跟住下個月員工冇做,咁就好難追究。    如果即時發現張單據冇就應該唔好買。 特別一啲流失員工比較高嘅大公司,一定壓力大。     (另外擺人哋張相,好似唔係咁好,澄清我不認識她,極度也不同意他口頭應承人而不負責,所以員工及公司都有責任)   資料來源:Beautyexchange 發表於 2018-6-16