Dermes 已經出名貴,Join左都算,仲要受Sales氣

by

Dermes 已經出名貴,Join左都算,仲要受Sales氣

早係2014年已經Join左Dermes underarm and 比堅尼 (永久Non Peak),Join果下就諗住Non Peak平D咁就join左non peak(果時仲返緊學,諗住大公司實唔會差)
時間難約,難約到隔3-4個月先做到一次;
叫你準時到,就次次要你等佢3個字起碼;
Sales sale你買話唔痛架,就呃人,underarm忍到,比堅尼位就敷冰,Dermes d 機仲要係凍風吹住黎打(類似針吉既感覺),女性下面既部位其實唔凍得,唉,俾左錢都照做埋佢啦。
其間換過3個治療師,全部換人都唔會通知你,治療師whtsapp無人應機,原本約左既時間取消左唔通知,全部都係你自己打去佢總機問先知。
(算啦,都無發脾氣….無奈多D….)

後尾換左個治療師SABI,覺得佢好似都幾好,時間耐左就以為frd左啦,
佢sale我果時,其實我已經唔想再買dermes,但想幫佢追數就買左Peak做面。
(自己抵死 做咩好人)
sale我果陣就話我早前果兩part都就快脫哂,可以約做面既時候順便幫我做埋,唔洗我分開黎咁麻煩。

之後都一路咁做開,後尾佢次次sale我,我都話唔洗,佢d態度就變哂….
突然話要跟足返non peak同peak咁約,唔順氣都要照約架啦。(利申文職星期六都要返半日) 時間難約到,仲叫我一係拎年假黎做,一係就扮病唔返工黎做 痴線!
嬲極都要約,咪分開peak同non peak咁約時間,佢反問我:你又話唔想分開做咁麻煩?! 
我: 咁面買左peak咪peak時間做 
佢就串我: 你係non peak價錢免費upgrade peak架咋
DKLM! 宜家whtsapp仲要已讀不回,繼續唔應你機

好X憎Dermes!!!!!

 

Dermes 已經出名貴,Join左都算,仲要受Sales氣

我都join 左dermes 而家好唔開心,又係話要分返peak 同non peak , sign contract 果陣又話可以用non peak 做peak, 氹我簽左就話要揸正黎做, so sad lor
想佢地覆你whatsapp ,可能性低於大陽由西邊升起, 轉人又密,又話追唔到數俾人炒
總之呢間係黑店

 

Dermes 已經出名貴,Join左都算,仲要受Sales氣

最唔鍾意D”治療師”扮熟, 一黎到就翹住你隻手一齊行…我之前對腳濕疹好勁, 好返之後就留左好多印, 我果時上去試做唇, 佢sell我腳, 我自己都有興趣咪問多D, 果時我記得我有畀佢睇過我對腳D印, 佢就話脫毛既laser唔緊要, 多印都可以打, 點知畀左錢之後到真係打, 佢話有印既地方唔打得…完全同sell果時講既野相反, 氹你畀左錢先…因為果時仲細自己一個人上去又驚驚地, 所以明知畀佢呃左, 我當時都無出聲…加上又無錄音無証明, 佢話我屈佢都得……打左幾次見唔係出返好多都無再去, 其實係咪脫清架, 不過費時上去又畀佢困住黎sell….

 

Dermes 已經出名貴,Join左都算,仲要受Sales氣

我又係已家唔再幫佢買野佢開始已讀不回
我依家投訴緊
要求經理回覆
以及轉治療師

我依家周圍宣傳緊比啲同事朋友叫佢地唔好join dermes

利申:已join面,手,腳,bikini

 

Dermes 已經出名貴,Join左都算,仲要受Sales氣

JOIN左幾年, 打開既位突然話contract冇寫唔打.. 一直都係星期六上晝做treatment突然又話我係一至五non peak.. 遲早又話張單冇寫永久就隨時冇得做啦, 佢玩晒..

可唔可以聯合一齊去海關又好, 消委會又好, 搵議員, media 再唔係報警話佢欺咋

 

資料來源:Beautyexchange

發表於 2017-7-12

No Comments Yet.

Comments

Your email address will not be published. Required fields are marked *